പ്രണയം

എന്റെ ഹൃദയമേ
അടങ്ങുക, നിനക്കറിയാം
ഞാന്‍ ആഗ്രഹിച്ചു
അല്ല, ആഗ്രഹിച്ചിരുന്നു !
- ഒരുവട്ടം- ,അവിടെയും പിഴച്ചു
ഒരുവട്ടമല്ല , പലവട്ടം-

എന്നിട്ടും അവന്‍
തിരിച്ചറിഞ്ഞില്ല
എന്തിന്? ഞാനാര് ?
തിരിച്ചു കിട്ടാത്ത സ്നേഹത്തെ
ഞാന്‍ സ്നേഹിച്ചതെന്തിന്?
-ചോദ്യങ്ങള്‍ അനവധി-
ഉത്തരം ഇത്രമാത്രം...
"അറിയില്ല. അറിഞ്ഞിട്ടെന്ത്?"
ഇല്ലേ, ഇന്നും ആ പ്രണയം?
ഉണ്ടോ, ഇന്നും ആ പ്രണയം?
സൂര്യന്‍ അഗാധതയിലേക്ക്‌
താഴുമ്പോള്‍... ,
മന്ദമാരുതന്‍ എന്നെ
തഴുകുമ്പോള്‍... ,
ഞാന്‍ വീണ്ടുമറിയുന്നു,
എന്റെ പ്രണയം
എന്റെ മാത്രം പ്രണയം
അന്നും ഇന്നും എന്നും
അവനറിയാതെ 
എന്റെ സ്വകാര്യ പ്രണയം!!!